القائمة الرئيسية

الصفحات

شرح عمل عجينة صيد الاسماك Explain the work of fishing dough

اعزائى زوار موقع انا صياد 

موضوعنا اليوم هو موضوع جميل ودائما يطلب منا وهو شرح عمل العجينة الخاصة بالصيد سواء فى المياه المالحة بالبحار او المياه العذبة فى الانهار وسوف نشرح لكم الطريقة لعمل اهم انواع عجينة الصيد والتى تمثل احد اهم الطعوم المستخدمة فى الصيد البحرى للاسماك وهى من الطعوم المفضلة للاسماك 
نبدأ على بركة الله تعالى 

اولا: شرح عمل عجينة العيش المشهورة

طريقة عمل هذه العجينة  بتكون عبارة عن لبابة العيش الفينو( الجزء الداخلى من الرغيف الفينو- الصامولى ) ومعجونة بماء فقط كل ما تحس انها ناشفة اديها مية لغاية ماتبقة عجينة لينة ومتماسكة . عندما تنتهى او تخلص عجن العجينة وجعلها لينة ومتماسكة ضع نقطتين زيت وبس , واعجنها تاني , وبكده تكون جاهزة معاك للصيد واذا كانت كمية كبيرة ضع جزء منها فى الثلاجة اسفل الفريزر للصيد به فى يوم اخر حتى لا تفسد معك على المياه.
وهذه الطريقة نطلق عليها اسم العجينة البارده لانها مش بتستخدم النار فيها , وكمان العجينة دي مش بتنفع لكل الاسماك يعني ممكن تنفع لاسماك البطاطا والشراغيش والموزة ولكن لا تنفع  ولا تفضل لاصطياد سمك البورى .

ثانيا: شرح عمل عجينة الدقيق البر او الدقيق الابيض

وهى تنقسم الى ثلاث انواع :-

النوع الاول : العجينة الناشفة
وهى عبارة عن كوب دقيق ابيض تضعه في طاسة وتقلبه على نار هادية لغاية لما الدقيق لونة يتغير بيبقى كريم او بيش  كده بس خلي بالك متخليش الدقيق يتحرق منك
ثم بعد ذلك قم باضافة المياه مرة واحده وقلب لغاية ما تنشف وتلاقيها كتلة واحده ولو حسيت انها ناشفة زود مياه بس شوية صغيرين .
هناك بعض الاخوة من الصيادين بيحطوا مية بسكر وبيسموها عجينة بسكر وهذا النوع من العجينة بتنفع كتير مع اسماك البوري

النوع الثانى  : العجينة السايحة
وطريقة عملها هى نفس الطريقة اللي فاتت والخاصة بالعجينة الناشفة لكن بتزيد كمية المياه  , ومتسيبهاش كتير على النار علشان متنشفش منك وبرضه ممكن تعملها بسكر .
وعجينة الدقيق بانواع تنفع لصيد كل الاسماك اللي بتاكل عجين وخصوصا البلطى و البوري والبنى

النوع الثالث : عجينة دقيق البر
وهى العجينة التى افضلها انا شخصيا وهى عبارة عن كوب دقيق بر او كما يطلق عليه فى مصر دقيق اسمر اودقيق عليه رده 
ثم بعد ذلك قم باضافة المياه بطريقة خفيفة وقم بالعجن لحد ما تلاقيها كتلة واحده ولو حسيت انها ناشفة زود مياه بس شوية صغيرين وهذه تعد افضل انواع العجينة المرغوبة للاسماك فى المياه المالحة او العذبة يمكنك استخدامها لاسماك السبيطى والشعوم فى المياه المالحة ويمكنك استخدامها لاسماك البلطى والبورى والبنى فى المياه العذبة.

ملحوظة : - ليس المهم انك تعرف تعمل العجينة  ,المهم انك تعرف تطعمها في السلاح او السنارة وهناك شروحات فيديو كتيرة لطريقة تركيب العجينة على السنارة يمكنكم مشاهدتها

مع خالص تحياتنا لكم برحلات صيد موفقة 
فريق موقع انا صياد


أنت الان في اول موضوع

تعليقات